MINISTRA DE XUVENTUDE E INFANCIA

A súa actividade política comeza no movemento estudantil da UAM, onde estudou Nutrición Humana. Ao estalar a crise económica, fundou a Rede de Solidariedade Popular que puxo en marcha diversos grupos de acción comunitaria. Moi comprometida coa causa Palestina (pasou parte da súa infancia na zona ocupada por Israel pois a súa familia vive preto de Xerusalén Este).

Europarlamentaria desde 2019, impulsou o Grupo de Investigación a FRONTEX, deu seguimento ao Novo Pacto de Migración e Asilo e á Directiva de Enerxías Renovables.

Desde novembro do 2023, é a ministra española de Xuventude e Infancia.

DIRECTOR DE COOPERACIÓN INTERNACIONAL E ACCIÓN HUMANITARIA DE SAVE THE CHILDREN.

Está a cargo da execución da estratexia de cooperación internacional e acción humanitaria desta ONG, na que se ocupa da coordinación dos recursos humanos, técnicos e financeiros para contribuír ao cumprimento dos obxectivos estratéxicos relacionados coa defensa dos dereitos da Infancia en países en desenvolvemento. Vicente Raimundo viviu e traballou en países en vías de desenvolvemento entre 1994 e 2018, cando regresou a España e comezou a traballar con Save the Children.

MEDIADOR INTERCULTURAL E FUNDADOR ASOCIACIÓN EX-MENAS

Ismail El Majdoubi é mediador intercultural, activista defensor dos Dereitos da Infancia e Xuventude Migrante. É o fundador da asociación EXmenas, un colectivo desde o que reivindica a atención ás necesidades, a visibilización e a proxección dunha imaxe positiva dos menores non acompañados que chegan a España.

Ismail El Majdoubi naceu en Castillejos, localidade marroquí fronteiriza con Ceuta. Con 16 anos cruzou a fronteira nos baixos dun camión, sen ser consciente nin dos perigos a que se enfrontaba nin do que lle esperaba ao outro lado do Estreito: racismo institucional, abandono e desprotección. Ata que cumpriu 18 anos pasou por sete centros de acollida, tanto en Andalucía como en Madrid. Ismail é un dos protagonistas do documental ‘M’ —o seu pase está programado en Acampa 2024—, dirixido polo xornalista experto en migracións Nicolás Castellano.

Desde Exmenas, Ismail El Majdoubi reivindica un trato humano e loita para que os menores non teñan que preocuparse por como van as súas xestións de estranxeiría, así como para lles garantir unha mellor atención cando están nos centros. EXmenas esixe a regularización da documentación e uns recursos básicos mínimos para cando os mozos alcanzan a maioridade e son expulsados dos centros.

PRODUTORA SINTAGMA FILMS

Doutora en Historia da Arte Moderna e Contemporánea pola Universidade de Santiago de Compostela, Marina García licenciouse tamén en Historia da Arte na mesma universidade. Desde 2014 lidera a produtora Sintagma Films. 

Produciu Aunque es de Noche (2023), en coprodución con Salon Indien Films (España) e Les Valseurs (Francia). Dirixida por Guillermo García López, esta curta —o seu pase está programado no Encontro Internacional Acampa 2024— afonda na vida de dous nenos que viven na Cañada Real de Madrid, sen enerxía eléctrica desde hai xa catro anos. Estreouse mundialmente na Sección Oficial a competición e foi proposta para a Palma de Ouro do Festival de Cannes; ademais, obtivo o Premio Forqué 2023 e o Goya 2024 á Mellor Curtametraxe de Ficción.

Entre outros traballos seus figura a longametraxe Frágil equilibrio (2016), tamén de Guillermo García López. Despois de conseguir a entrevista co, naquela altura, presidente de Uruguai, José Mujica, o filme articúlase a través das súas palabras, que funcionan como guía para acercar o espectador a tres historias en tres continentes distintos: dous executivos xaponeses en Tokio, cuxas vidas asentan unicamente nos seus traballos; unha comunidade subsahariana no Monte Gurugú, na fronteira entre África e Europa, que arrisca a vida tentando cruzar ao primeiro mundo; e varias familias en Madrid estragadas pola crise e a perda das súas vivendas.

XORNALISTA

Coordina o podcast Contraparte (Onda Cero). Fundador de Agareso e BIG Radio.

Participou en proxectos de radio comunitaria e documentais sobre distintas realidades sociais (América Latina e África).

Premiado en 2009 polo proxecto A Radio do penal da Lama (Pontevedra). Participa en iniciativas dirixidas a colectivos con discapacidade e exclusión.